میٹا نے انسٹاگرام میں "بلینڈ” کے نام سے نیا فیچر متعارف کرا دیا

میٹا نے انسٹاگرام میں "بلینڈ” کے نام سے نیا فیچر متعارف کرایا ہے، جس کے ذریعے صارفین اپنی پسند کی ریلز دوستوں کے ساتھ ڈائریکٹ میسج (ڈی ایمز) میں شیئر کر سکیں گے۔

اب صارفین ون آن ون یا گروپ چیٹس میں بلینڈ کے ذریعے ریلز کی مشترکہ فیڈ دیکھ سکیں گے، جو انسٹاگرام خودکار طور پر صارفین کی دلچسپیوں کی بنیاد پر تجویز کرے گا۔ یہ فیڈ روزانہ اپ ڈیٹ ہوتی رہے گی۔

فیچر کیسے استعمال کریں؟

انسٹاگرام پر کسی چیٹ (ون آن ون یا گروپ) میں جائیں، چیٹ کے اندر موجود "بلینڈ” آئیکون پر کلک کریں اور دوستوں کے ساتھ مشترکہ ریلز فیڈ کا آغاز کریں۔

انسٹاگرام کے سربراہ ایڈم موسیری کے مطابق، بلینڈ صارفین کو اپنی دلچسپیوں کو دوستوں کے ساتھ شیئر کرنے کا ایک نیا، دلچسپ طریقہ فراہم کرتا ہے۔ ہر چیٹ کیلئے ریلز کی تجاویز مختلف ہوں گی، کیونکہ ہر صارف کی ترجیحات الگ ہوتی ہیں۔