میٹا کا نیا اے آئی ماڈل "لاما 4” ریلیز کیلئے تیار

میٹا اس ماہ کے آخر میں اپنا نیا مصنوعی ذہانت ماڈل "لاما 4” متعارف کرانے کا ارادہ رکھتا ہے، اور اس کی تیاریاں جاری ہیں۔

رپورٹس کے مطابق، کمپنی اے آئی کی دوڑ میں آگے بڑھنے کی کوشش کر رہی ہے، لیکن دو ملازمین کے مطابق، ماڈل کی ریلیز میں مزید تاخیر ہو سکتی ہے۔ اوپن اے آئی اور چیٹ جی پی ٹی کی کامیابی کے بعد ٹیکنالوجی کمپنیاں اے آئی میں سرمایہ کاری بڑھا رہی ہیں، جس سے پورا شعبہ بدل چکا ہے۔

لاما 4 کی ریلیز میں تاخیر کی ایک وجہ تکنیکی معیارات، خاص طور پر ریاضی کے مسائل میں متوقع کارکردگی کا نہ ہونا ہے۔ کمپنی کو یہ بھی تشویش ہے کہ لاما 4، اوپن اے آئی کے ماڈلز کی طرح قدرتی بات چیت میں کم قابل ہو سکتا ہے۔

میٹا اس سال اے آئی انفراسٹرکچر کو وسعت دینے کیلئے 65 بلین ڈالر خرچ کرنے کا ارادہ رکھتا ہے، اور چین کی ٹیک فرم ڈیپ سیک کے کم لاگت ماڈل نے اس خیال کو چیلنج کیا ہے کہ بہترین اے آئی ماڈل تیار کرنے کیلئے اربوں ڈالر کی ضرورت ہوتی ہے۔

رپورٹس کے مطابق، لاما 4 میں ڈیپ سیک کے کچھ تکنیکی پہلو شامل کیے جائیں گے، اور کم از کم ایک ورژن مشین لرننگ کی تکنیک پر مبنی ہوگا۔

میٹا نے لاما 4 کو پہلے اپنے اے آئی پلیٹ فارم پر ریلیز کرنے اور بعد میں اوپن سورس سافٹ ویئر کے طور پر جاری کرنے پر بھی غور کیا ہے۔ پچھلے سال میٹا نے لاما 3 ماڈل جاری کیا تھا، جو 8 زبانوں میں بات چیت کرنے کے علاوہ پیچیدہ ریاضی کے مسائل حل کرنے میں بھی زیادہ مؤثر تھا۔