ناقدین کی ٹرولنگ اور مسلسل تنقید کے بعد علیزے شاہ نے بڑا قدم اٹھا لیا

پاکستانی اداکارہ و ماڈل علیزے شاہ نے اپنی تازہ پوسٹ میں ناقدین کو آڑے ہاتھوں لیتے ہوئے کہا کہ اُن کی مسلسل تنقید اور ٹرولنگ سے میری صحت بری طرح متاثر ہوئی ہے۔

گزشتہ روز سوشل میڈیا کو خیر آباد کہنے والی اداکارہ نے اپنی تازہ پوسٹ میں کہا ہے کہ ناقدین کی منفی سوچ نے مجھے تنہا رہنے پر مجبور کر دیا ہے۔ کہا میں نہ صرف سوشل میڈیا سے کنارہ کشی اختیار کر رہی ہوں بلکہ اپنے اردگرد موجود لوگوں سے بھی ملنے جلنے سے پرہیز کروں گی۔

علیزے شاہ نے کہا کہ ان فضول حرکتوں سے میں تھک چکی ہوں۔ ایسے میں میری حالت کیا ہے میں آپ کو بتا بھی نہیں سکتی۔ انہوں نے کہا کہ یہاں تک کہ میرے بائیو کو اپ ڈیٹ کرنے اور واضح طور پر کہنے کے بعد کہ میں زندہ ہوں کچھ لوگوں نے افواہیں پھیلائیں۔ جبکہ نیوز چینلز نے میرے والدین سے رابطہ کرکے پوچھا کہ کیا میں مر گئی ہوں۔

اداکارہ نے کہا کہ تصور کریں اُن کے اس رویے سے میرے والدین پر کیا گزرتی ہو گی۔ انہوں نے کہا کہ میں نہیں جاتی کہ اب دوبارہ سوشل میڈیا اور شوبز میں میری واپسی کب ہو گی۔ آپ تمام لوگوں سے اپیل ہے کہ نہ میری فیملی سے رابطہ کریں اور نہ میرے حوالے سے جھوٹی خبریں پھیلائیں۔ خدا کیلئے مجھے جینے دیں۔

واضح رہے کہ گزشتہ روز علیزے شاہ نے سوشل میڈیا سے کنارہ کشی اختیار کرتے ہوئے اسے جہنم سے بھی زیادہ بری جگہ قرار دیا تھا۔