نامور کرکٹر کے بھائی کو گرفتار کر لیا گیا

سابق بھارتی کرکٹر وریندر سہواگ کے بھائی وینود سہواگ کو چنڈی گڑھ پولیس نے 7 کروڑ روپے کے چیک باؤنس کیس میں گرفتار کر لیا۔

بھارتی میڈیا کے مطابق، عدالت نے انہیں عدالتی تحویل میں بھیج دیا ہے اور 10 مارچ کو کیس کی سماعت کی جائے گی۔ وینود پر کرشنا موہن کی شکایت پر مقدمہ درج کیا گیا، جس میں الزام عائد کیا گیا کہ وینود کی کمپنی نے ان کی فیکٹری سے مال خریدا اور 7 کروڑ روپے کا چیک جاری کیا، جو فنڈز کی کمی کے باعث باؤنس ہو گیا۔

رپورٹس کے مطابق، عدالت نے 2022 میں وینود سمیت تین ملزمان کو مفرور قرار دیا تھا جب وہ عدالت میں پیش نہیں ہوئے تھے۔ 2023 میں، پولیس کو ان کے خلاف مقدمہ درج کرنے کا حکم دیا گیا۔

وینود سہواگ پر کم از کم 174 چیک باؤنس کیسز ہیں اور انہوں نے 138 کیسز میں ضمانت کی درخواستیں بھی دائر کی ہیں۔