نواز شریف کی وزیراعظم، آرمی چیف اور افواج پاکستان کو کامیاب دفاع پر مبارکباد

لاہور: پاکستان مسلم لیگ (ن) کے صدر اور سابق وزیراعظم نواز شریف نے وزیراعظم شہباز شریف، آرمی چیف، ائیر چیف مارشل ظہیر احمد بابر سندھو اور افواجِ پاکستان کو کامیاب دفاع اور مؤثر حکمتِ عملی پر مبارکباد دی۔

اپنے بیان میں صدر ن لیگ نے امن کے قیام پر اللہ کا شکر ادا کرتے ہوئے کہا کہ پاکستان ایک امن پسند ملک ہے، لیکن اپنی خودمختاری کے دفاع کا مکمل حق رکھتا ہے۔

یاد رہے کہ پاکستان اور بھارت نے امریکی ثالثی کے تحت فوری جنگ بندی پر اتفاق کر لیا ہے۔ امریکی صدر ڈونلڈ ٹرمپ نے سوشل میڈیا پر اعلان کرتے ہوئے دونوں ممالک کو "دانشمندی اور ہوشمندی کا مظاہرہ کرنے” پر سراہا۔

نائب وزیراعظم اسحاق ڈار اور بھارتی سیکرٹری خارجہ وکرم مصری نے بھی سیز فائر کی باضابطہ تصدیق کر دی ہے، اور دونوں جانب سے عسکری کارروائیاں روکنے کا عندیہ دیا گیا ہے۔