نور زمان نے ورلڈ انڈر 23 سکواش چیمپئن شپ جیت لی

پاکستان کے نور زمان نے ورلڈ انڈر 23 سکواش چیمپئن شپ جیت لی۔

نور زمان نے فائنل میں مصر کے کریم الترکی کو 2-3 سے شکست دی۔ نور زمان نے 2 گیمز کے خسارے میں جانے کے باوجود ٹائٹل جیت لیا۔

ٹائٹل اپنے نام کرنے کے بعد نور زمان نے 365 نیوز کے اینکر فیضان حقی سے گفتگو کرتے ہوئے کہا کہ میں نے چیمپئن شپ کے لیے بہت زیادہ محنت کی تھی، اللہ نے صلہ دیا اور چیمپئن بن گیا۔ اپنی تاریخی فتح پر وہ آبدیدہ ہوگئے تھے۔