واٹس ایپ کے ماہانہ صارفین 3 ارب سے تجاوز کر گئے، مارک زکربرگ

میٹا کے سی ای او مارک زکربرگ نے اعلان کیا ہے کہ اب ہر ماہ 3 ارب سے زائد افراد واٹس ایپ استعمال کر رہے ہیں، جو اسے دنیا کی مقبول ترین ایپس میں شامل کرتا ہے۔

فیس بک کے بانی زکربرگ نے 2014 میں واٹس ایپ کو 19 ارب ڈالر میں خریدا تھا، اور 2020 تک اس کے ماہانہ صارفین کی تعداد 2 ارب تک پہنچ گئی تھی۔ اب یہ تعداد 3 ارب سے بڑھ چکی ہے۔

میٹا کی حالیہ کانفرنس کال کے دوران زکربرگ نے کہا کہ صارفین کی اس بڑی تعداد کے باعث واٹس ایپ کمپنی کے لیے ایک اہم کاروباری ستون بن چکی ہے۔

میٹا کی سی ایف او سوسن لی کے مطابق صارفین کی بڑی تعداد Meta AI سے بھی واٹس ایپ کے ذریعے رابطے میں ہے، خاص طور پر ون آن ون چیٹس میں۔

کمپنی کا کہنا ہے کہ واٹس ایپ بزنس میں بھی تیزی سے اضافہ ہو رہا ہے، اور یہ ایپ اب میٹا کے 510 ملین ڈالر منافع میں نمایاں حصہ ڈال رہی ہے۔