واٹس ایپ بیٹا ورژن صارفین کیلئے خوشخبری!

دنیا بھر میں مقبول میسجنگ ایپ واٹس ایپ نے اینڈرائیڈ صارفین کے لیے اپنے تازہ ترین بیٹا ورژن میں پیغامات کے ترجمے کا نیا فیچر متعارف کرا دیا ہے۔

یہ فیچر فی الحال بیٹا صارفین کے لیے دستیاب ہے، جلد تمام صارفین کو فراہم کیا جائے گا۔ اس فیچر میں اسپینش، عربی، ہندی، روسی اور برازیلی پرتگالی زبانوں میں ترجمہ ممکن ہوگا۔ ترجمہ واٹس ایپ کے سرورز پر نہیں بلکہ صارف کے فون پر ہوگا، یعنی اینڈ ٹو اینڈ انکرپشن برقرار رہے گی۔ اس کے لیے انٹرنیٹ کنکشن کی ضرورت نہیں — صرف مطلوبہ زبان کا لینگوئج پیک ڈاؤن لوڈ کرنا ہوگا۔

صارف کو واٹس ایپ سیٹنگز میں جا کر یہ فیچر خود ان ایبل کرنا ہوگا۔ مخصوص چیٹس کے لیے بھی ترجمے کا آپشن "Translate Messages” کے ٹوگل سے فعال کیا جا سکے گا۔

واٹس ایپ کا یہ نیا فیچر زبانوں کی رکاوٹ ختم کرنے کی طرف ایک بڑا قدم ہے، جو بین الاقوامی رابطوں کو مزید آسان بنا دے گا۔