وزیر ریلوے کا عید پر مسافروں کیلئے بڑا اعلان

وفاقی وزیر ریلوے حنیف عباسی نے عید کیلئے خصوصی ٹرینیں چلانے اور کرایوں میں کمی کا اعلان کر دیا۔

حنیف عباسی نے ریلوے حکام کو ہدایت کی کہ وہ مسافروں کے تحفظ کو یقینی بنائیں اور حادثات سے بچنے کیلئے نگرانی کے آلات کی تنصیب پر زور دیا۔ انہوں نے کہا کہ اخراجات میں کمی کے ساتھ ریلوے کی آمدن بڑھانے کی کوشش کی جائے گی۔

عباسی نے بتایا کہ 25 رمضان المبارک سے خصوصی ٹرینیں چلنا شروع ہو جائیں گی اور عید کیلئے کرایوں میں کمی کا اطلاق ہو گا۔

انہوں نے ترسیلات زر میں اضافے پر بھی روشنی ڈالی اور کہا کہ ایم ایل ون منصوبے کے حوالے سے مختلف ممالک کے ساتھ بات چیت جاری ہے۔

خیال رہے کہ حنیف عباسی کو حال ہی میں وفاقی کابینہ میں شامل کیا گیا تھا اور انہیں صرف تین روز قبل ہی وزیر ریلوے بنایا گیا تھا۔