مریم نواز نے ٹیکس میں اضافے کی تجویز مسترد کر دی

لاہور: وزیراعلیٰ پنجاب مریم نواز نے ٹیکس میں اضافے کی تجویز مسترد کرتے ہوئے کہا کہ ٹیکس نہیں، ٹیکس نیٹ بڑھائیں۔

وزیر اعلیٰ پنجاب نے صوبے بھر میں نان رجسٹرڈ ریسٹورنٹس اور شادی ہالوں کی فوری رجسٹریشن کا حکم دے دیا ہے۔ انہوں نے واضح کیا کہ ٹیکس چوری کی اجازت نہیں دی جائے گی۔ ان کا کہنا تھا کہ "2 لاکھ تنخواہ والا ٹیکس دیتا ہے، مگر کروڑوں کمانے والا نہیں — یہ نظام مزید نہیں چلے گا۔”

مریم نواز نے پنجاب ریونیو اتھارٹی، مائنز اینڈ منرلز سمیت دیگر اداروں کو ریونیو کے نئے ذرائع تلاش کرنے کی بھی ہدایت کی۔