پاکستانی کوہ پیما نائلہ کیانی کا نیا سنگ میل

پاکستان کی معروف کوہ پیما نائلہ کیانی نے نیپال میں واقع دنیا کی تیسری بلند ترین چوٹی کینچن جنگا کو سر کر لیا ہے، جس کی بلندی 8,586 میٹر ہے۔ نائلہ کیانی یہ کارنامہ انجام دینے والی پہلی پاکستانی خاتون بن گئی ہیں جنہوں نے 8 ہزار میٹر سے بلند 12 چوٹیاں کامیابی سے سر کی ہیں۔

اس سے قبل وہ ماؤنٹ ایورسٹ، کے ٹو اور نانگا پربت سمیت کئی خطرناک اور بلند پہاڑی سلسلوں کو بھی سر کر چکی ہیں۔ نائلہ کیانی کی یہ کامیابی نہ صرف پاکستان بلکہ خاص طور پر پاکستانی خواتین کے لیے باعث فخر ہے، جو کوہ پیمائی جیسے مشکل میدان میں نمایاں کارکردگی دکھا رہی ہیں۔

یہ کارنامہ پاکستان کے کوہ پیمائی کے شعبے میں ایک نئی تاریخ رقم کرتا ہے، اور نوجوان خواتین کے لیے ایک متاثر کن مثال قائم کرتا ہے۔

واضح رہے کہ اس سے پہلے نائلہ کیانی اور ثمینہ بیگ نے نانگا پربت کو بھی کامیابی سے سر کیا تھا۔ اس مہم میں پاکستان کے 10 کوہ پیما اور 40 سے زائد غیر ملکی کوہ پیما شامل تھے۔ پاکستانی کوہ پیماؤں میں واجد اللہ نگری، رضوان داد، عید محمد، احمد بیگ، وقار علی، سعید کریم، لیاقت کریم، سوزین اور شاہ دولت شامل تھے، جنہوں نے نائلہ اور ثمینہ کے ہمراہ یہ مہم سر انجام دی۔

 

View this post on Instagram

 

A post shared by Naila Kiani (@naila._.kiani)