پاکستان آرمی نے ایل او سی پر بھارتی جاسوس کواڈ کاپٹر مار گرایا

پاکستان آرمی نے لائن آف کنٹرول (ایل او سی) کے قریب پاکستانی فضائی حدود کی خلاف ورزی کرنے والے بھارتی کواڈ کاپٹر کو کامیابی سے مار گرایا۔

سیکیورٹی ذرائع کے مطابق دشمن نے ضلع بھمبر کے مناور سیکٹر میں جاسوسی کی غرض سے کواڈ کاپٹر کے ذریعے نگرانی کرنے کی کوشش کی تھی۔ تاہم، پاکستان آرمی نے بروقت اور مؤثر کارروائی کرتے ہوئے دشمن کی یہ کوشش ناکام بنا دی اور کواڈ کاپٹر کو تباہ کر دیا۔

یہ واقعہ پاک فوج کی پیشہ ورانہ مہارت، چوکسی اور دفاعی تیاری کا واضح ثبوت ہے۔
پاکستان کی مسلح افواج ہر قسم کی جارحیت کا فوری اور مؤثر جواب دینے کے لیے مکمل طور پر تیار ہیں۔