پاکستان اور بنگلہ دیش کا دو طرفہ سیریز میں ون ڈے میچز ختم کرنے کا فیصلہ

پاکستان اور بنگلہ دیش کرکٹ بورڈ نے دوطرفہ سیریز میں ون ڈے میچز کو ختم کرنے کا فیصلہ کر لیا ہے۔

ذرائع کے مطابق، مئی میں شیڈول دوطرفہ سیریز میں اب ون ڈے میچز نہیں کھیلے جائیں گے۔ دونوں بورڈز نے ٹی ٹوئنٹی ورلڈکپ کو مدنظر رکھتے ہوئے متفقہ طور پر ون ڈے میچز کو ٹی ٹوئنٹی میچز میں تبدیل کر دیا ہے۔

طے شدہ ایف ٹی پی کے مطابق بنگلہ دیش کو پاکستان میں تین ون ڈے اور تین ٹی ٹوئنٹی میچز کی سیریز کھیلنی تھی، تاہم نظرثانی شدہ شیڈول کے تحت بنگلہ دیش ٹیم پانچ ٹی ٹوئنٹی میچز کھیلے گی۔

ذرائع کا کہنا ہے کہ پاکستان کا ایف ٹی پی سے ہٹ کر بنگلہ دیش کے دورے میں تین ٹی ٹوئنٹی میچز کی سیریز کھیلے جانے کا امکان ہے، جو جولائی میں متوقع ہے۔