پاکستان ریلوے کا جدید ترین بزنس ٹرین سروس کا اعلان، افتتاح 19 جولائی کو ہوگا

لاہور: پاکستان ریلوے نے جدید ترین سہولیات سے آراستہ نئی بزنس ٹرین سروس 19 جولائی کو لانچ کرنے کا اعلان کر دیا ہے۔ یہ اقدام ریلوے نظام کی جدید کاری کی مہم کا حصہ ہے جس کا مقصد مسافروں کو بہتر سہولیات فراہم کرنا ہے۔

تفصیلات کے مطابق، اس بزنس ٹرین میں 28 ڈیجیٹل سہولیات سے لیس کوچز شامل ہوں گی، ساتھ ہی مفت وائی فائی اور بین الاقوامی معیار کا ڈائننگ کار بھی موجود ہوگا تاکہ مسافروں کو آرام دہ اور جدید سفر کا تجربہ فراہم کیا جا سکے۔

وزیر اعظم شہباز شریف اس جدید ٹرین کا باضابطہ افتتاح لاہور میں ایک خصوصی تقریب کے دوران کریں گے۔

ریلوے حکام کے مطابق، اس اقدام کا مقصد صرف نئی ٹرین متعارف کرانا نہیں بلکہ پورے نظام کو ڈیجیٹل ٹیکنالوجی سے آراستہ کرنا ہے، جس میں آن لائن ٹکٹنگ سسٹم، بہتر آن بورڈ سروسز، اور اسٹیشنز پر اپ گریڈ شدہ سہولیات شامل ہیں۔