پاکستان میں سونے کی قیمت میں بڑا اضافہ

کراچی: عالمی اور مقامی مارکیٹس میں قیمتوں میں کمی کے بعد آج سونے کی قیمت میں نمایاں اضافہ ریکارڈ کیا گیا۔

آل پاکستان جیمز اینڈ جیولرز ایسوسی ایشن کے مطابق، فی تولہ سونا 2,100 روپے مہنگا ہو کر 3 لاکھ 49 ہزار 200 روپے کا ہو گیا۔ اسی طرح 10 گرام سونے کی قیمت میں 1,800 روپے اضافہ ہوا، جس کے بعد نئی قیمت 2 لاکھ 99 ہزار 382 روپے ہو گئی۔

عالمی مارکیٹ میں بھی سونا 21 ڈالر اضافے کے بعد فی اونس 3,310 ڈالر پر پہنچ گیا۔

ماہرین کے مطابق سونا طویل عرصے سے غیر یقینی معاشی حالات میں محفوظ سرمایہ کاری سمجھا جاتا ہے۔ پاکستان میں گزشتہ برس سونے کی قیمت کا تعین عالمی نرخ سے 20 ڈالر فی اونس زائد کر کے کیا جانے لگا تھا۔