پاکستان میں عید الاضحیٰ کب ہوگی؟ خبر آگئی

پاکستان سمیت دنیا بھر میں مسلمانوں نے عید الفطر مذہبی جوش و جذبے سے منائی، اور اب دو ماہ کے وقفے کے بعد عید الاضحیٰ کا تہوار قریب آ رہا ہے۔

عید الاضحیٰ، جسے قربانی کا تہوار بھی کہا جاتا ہے، ذی الحجہ کی 10ویں تاریخ کو منایا جاتا ہے، اور اس دن مسلمان سنتِ ابراہیمی کی پیروی کرتے ہوئے جانور ذبح کرتے ہیں۔

ماہرین کے مطابق، رواں سال عید الاضحیٰ 7 جون 2025 بروز ہفتہ کو ہوگی۔ اس کے مطابق، پاکستانی مسلمان 7 جون ہفتہ سے 9 جون پیر تک عید الاضحیٰ منائیں گے۔

خیال رہے کہ یہ تاریخیں قمری حساب پر مبنی ہیں، اور حتمی تاریخ کا اعلان رویت ہلال کمیٹی کرے گی۔

متحدہ عرب امارات میں فلکیاتی پیش گوئیوں کے مطابق، عید الاضحیٰ 6 جون بروز جمعہ کو ہونے کا امکان ہے۔ ایمریٹس آسٹرونومی سوسائٹی نے تصدیق کی ہے کہ ذی الحجہ کا چاند 27 مئی کو نظر آ سکتا ہے، جس سے 28 مئی کو اسلامی مہینے کا پہلا دن ہوگا۔