پیوٹن کا یوکرین کیساتھ 8 سے 10 مئی تک جنگ بندی کا اعلان

ماسکو: روسی صدر ولادیمیر پیوٹن نے 8 سے 10 مئی تک یوکرین کے ساتھ عارضی جنگ بندی کا اعلان کر دیا۔

کریملن کے مطابق یہ اقدام جنگ عظیم دوم میں نازی جرمنی پر فتح کی 80ویں سالگرہ کے موقع پر کیا گیا ہے۔ 10 مئی کو ماسکو میں ہونے والی مرکزی تقریب میں چینی صدر شی جن پنگ سمیت کئی عالمی رہنما شرکت کریں گے۔ روس کو امید ہے کہ یوکرین بھی اس جنگ بندی کا احترام کرے گا۔

تاہم یوکرین نے اس اعلان کو مشکوک قرار دیتے ہوئے کہا ہے کہ اگر روس امن کا خواہاں ہے تو فوری جنگ بندی کرے، 8 مئی کا انتظار نہ کرے۔

یاد رہے، روس نے ایسٹر کے موقع پر بھی ایسی ہی عارضی جنگ بندی کا اعلان کیا تھا لیکن دونوں فریقین نے ایک دوسرے پر خلاف ورزیوں کے الزامات عائد کیے تھے۔