پی ایس ایل 10: ملتان سلطانز کا پشاور زلمی کو جیت کیلئے 109 رنز کا ہدف

ملتان: پاکستان سپر لیگ (پی ایس ایل) 10 کے 25ویں میچ میں ملتان سلطانز کی ٹیم پشاور زلمی کے خلاف 108 رنز پر ڈھیر ہو گئی، اور زلمی کو جیت کے لیے 109 رنز کا ہدف ملا۔

ملتان کرکٹ اسٹیڈیم میں کھیلے گئے میچ میں سلطانز کی بیٹنگ لائن ناکام رہی۔ شائی ہوپ 23 اور طیب طاہر 22 رنز کے ساتھ نمایاں رہے، جب کہ کپتان محمد رضوان 17 رنز بنا سکے۔ پوری ٹیم 19.1 اوورز میں 108 رنز پر آؤٹ ہو گئی۔

پشاور زلمی کی جانب سے احمد دانیال نے شاندار بولنگ کرتے ہوئے 3 وکٹیں حاصل کیں، معاذ صداقت اور لیوک ووڈ نے 2،2 جبکہ علی رضا، صائم ایوب اور الزاری جوزف نے 1،1 کھلاڑی کو آؤٹ کیا۔

اب پشاور زلمی کو 109 رنز کا ہدف حاصل کرنا ہے۔