پی ایس ایل 10 کے بقیہ میچز کراچی منتقل کیے جائیں گے؟

اسلام آباد: پاکستان سپر لیگ (پی ایس ایل) 10 کے بقیہ میچز راولپنڈی سے کراچی منتقل کرنے کا فیصلہ۔

پی سی بی ذرائع کے مطابق میچز کی منتقلی کا فیصلہ پی ایس ایل کمیٹی کے اجلاس میں کیا گیا۔ پی ایس ایل میچز کراچی منتقل کرنے کا فیصلہ پاک بھارت کشیدگی کے باعث کیا گیا۔ آج راولپنڈی میں کراچی کنگز اور پشاور زلمی کے درمیان شیڈول میچ بھی ملتوی یا ری شیڈول کیے جانے کا امکان ظاہر کیا جا رہا ہے۔

ذرائع کا کہنا ہے کہ پی ایس ایل کے آخری مرحلے میں صرف چار ناک آؤٹ اور چار پلے آف میچز باقی ہیں، جنہیں کراچی منتقل کرنے کا فیصلہ کیا گیا ہے۔

دوسری جانب، پی ایس ایل میں شامل انگلش کھلاڑی پاکستان میں سیکیورٹی سے مطمئن ہیں۔ برطانوی میڈیا کے مطابق جیمز وِنس، ٹام کرن، سیم بلنگز، کرس جارڈن، ڈیوڈ وِلی، لوک ووڈ اور ٹام کوہلر کیڈمور سمیت تمام انگلش کھلاڑی لیگ میں شرکت جاری رکھیں گے۔