چیمپئنز ٹرافی: بھارت نے آسٹریلیا کو شکست دیکر فائنل کیلئے کوالیفائی کر لیا

آئی سی سی چیمپئنز ٹرافی کے سیمی فائنل میں بھارت نے آسٹریلیا کو شکست دے کر فائنل کیلئے کوالیفائی کر لیا۔

تفصیلات کے مطابق 265 رنز کا ہدف بھارت نے 6 وکٹوں کے نقصان پر پورا کیا۔ ویرات کوہلی 84 رنز بنا کر نمایاں رہے۔

اس سے قبل دبئی میں ہونے والے اس میچ میں آسٹریلیا نے ٹاس جیت کر پہلے بیٹنگ کا فیصلہ کیا تو کنگروز کی پہلی وکٹ صرف چار رنز پر ہی گرگئی۔ اس کے بعد دوسری وکٹ 54 پر گری۔ اس کے بعد وکٹیں گرنے کے ساتھ ساتھ رنز میں بھی اضافہ ہوتا رہا اور یوں کنگروز نے مقرر 50 اوورز میں 264 رنز بنائے۔

آسٹریلیا کی جانب سے کپتان اسٹیو اسمتھ 73 ، الیکس کیری 61 جبکہ ٹریوس ہیڈ 39 رنز بنا کر نمایاں رہے۔

بھارت کی جانب سے محمد شامی تین، ورون چکرا ورتھی اور رویندر جڈیجہ نے 2، 2 کھلاڑیوں کو آوٹ کیا۔ جبکہ ہاردک پانڈیا اور اکشر پٹیل نے ایک ، ایک کھلاڑی کو پویلین کی راہ دکھائی۔