چین میں 50 کلو سے کم وزن والوں کو گھروں میں رہنے کی ہدایت!

چین کے سرکاری میڈیا نے ایک غیر معمولی انتباہ جاری کرتے ہوئے ان افراد کو گھر میں رہنے کا مشورہ دیا ہے جن کا وزن 50 کلوگرام سے کم ہے، کیونکہ ملک آئندہ دنوں میں دہائی کی شدید ترین آندھی کا سامنا کرنے جا رہا ہے۔

11 سے 13 اپریل کے دوران بیجنگ، تیانجن اور صوبہ حوبے کے کچھ حصوں میں 150 کلومیٹر فی گھنٹہ کی رفتار سے تیز ہوائیں چلنے کی پیش گوئی کی گئی ہے، جو منگولیا سے آئیں گی۔

بیجنگ میٹروولوجیکل سروس نے ہوا کے انتباہ کو "نارنجی” درجے تک بڑھا دیا ہے، جو چین کے چار سطحی وارننگ سسٹم میں دوسرا بلند ترین درجہ ہے۔

محکمے کا کہنا ہے کہ "یہ تیز ہوائیں انتہائی شدید، طویل دورانیے کی، وسیع علاقے پر محیط اور بہت خطرناک ہیں۔”

View this post on Instagram

A post shared by 365 News (@365.newspk)