بھارت کی فضائی جارحیت ناکام، پاکستانی فوج نے مزید 4 ڈرونز مار گرائے!

اسلام آباد: پاک فوج نے بھارتی دراندازی کی ایک اور کوشش کو ناکام بناتے ہوئے چار مزید جاسوس ڈرونز مار گرائے ہیں، جس کے بعد چند دنوں میں تباہ کیے گئے بھارتی ڈرونز کی مجموعی تعداد سات ہو گئی ہے۔

سیکیورٹی ذرائع کے مطابق تازہ کارروائیاں پکھلیاں اور سیالکوٹ سیکٹرز میں کی گئیں، جہاں بھارتی ڈرون پاکستانی فضائی حدود میں داخل ہوئے تھے۔ اس سے قبل برنالہ، شکرگڑھ اور کوٹلی کے علاقوں میں بھی تین بھارتی ڈرون مار گرائے گئے تھے، جن میں ایک بڑا مسلح ’ہیروں‘ ڈرون بھی شامل تھا۔

پاک فوج بھارت کی ہر جارحیت کا فوری، مؤثر اور بھرپور جواب دے رہی ہے، اور ملکی فضائی حدود کی خلاف ورزی ہرگز برداشت نہیں کی جائے گی۔