کنگنا رناوت کو امریکی صدر سے متعلق پوسٹ کرنا مہنگا پڑ گیا

بی جے پی کی رکنِ پارلیمنٹ اور معروف بالی ووڈ اداکارہ کنگنا رناوت کو امریکی صدر ڈونلڈ ٹرمپ سے متعلق پوسٹ کرنا مہنگا پڑ گیا۔

کنگنا نے پوسٹ میں کہا تھا کہ نریندر مودی کی عالمی مقبولیت سے ٹرمپ حسد کرتے ہیں۔ انہوں نے مودی کو تمام الفا میلز کا باپ قرار دیا تھا۔ پوسٹ پر بی جے پی کے حلقوں میں فوری ردعمل آیا اور متعدد رہنماؤں نے پارٹی صدر جے پی نڈا سے معاملے کا نوٹس لینے کا مطالبہ کیا۔

جس کے بعد اداکارہ و رکن پارلیمنٹ کنگنا رناوت نے پوسٹ حذف کرکے معذرت کرلی۔