کومل میر نے سرجری کروائی؟ کتنا وزن بڑھا؟ خود ہی راز اُگل دیا!

اداکارہ کومل میر نے اپنے وزن بڑھنے اور ممکنہ میک اپ یا پلاسٹک سرجری کے الزامات پر وضاحت دیتے ہوئے کہا ہے کہ انہوں نے کوئی پروسیجر نہیں کروایا بلکہ ڈیڑھ ماہ میں 6 کلو وزن بڑھایا ہے۔

احمد علی بٹ کے پوڈکاسٹ میں گفتگو کرتے ہوئے کومل نے کہا کہ جب وہ دبلی تھیں تب بھی تنقید ہوئی، اور اب جب وزن بڑھایا ہے، تب بھی لوگ باتیں کر رہے ہیں۔

انہوں نے بتایا کہ وزن بڑھانے کا فیصلہ ایک کردار کیلئے کیا اور یہ بھی کہا کہ ان کے ابھرے گال سرجری کا نتیجہ نہیں، بلکہ وزن بڑھنے کا اثر ہے۔

کومل کا کہنا تھا کہ اگر میں نے کوئی پروسیجر کروایا ہوتا تو گلے پر گوشت کیوں ہوتا؟ خدا کی قسم میں نے کچھ نہیں کروایا۔

اداکارہ نے یہ بھی تسلیم کیا کہ سوشل میڈیا فالوورز ان کے کیریئر پر اثر ڈالتے ہیں اور بعض اوقات انہیں اسی بنیاد پر کام ملتا ہے۔ انہوں نے مزید کہا کہ میک اپ پروسیجرز کرانا غلط نہیں، آج کل عام خواتین بھی یہ کرواتی ہیں، مگر انہوں نے خود ایسا کچھ نہیں کیا۔