کپتان محمد رضوان نے نسیم شاہ کا موبائل کیوں توڑ دیا؟

پاکستان کی ون ڈے کرکٹ ٹیم کے کپتان محمد رضوان نے ڈومیسٹک پریکٹس میچ کے دوران ایک چھکا مار کر فاسٹ بولر نسیم شاہ کا موبائل فون توڑ دیا۔

یہ واقعہ ایل سی سی اے میں اس وقت پیش آیا جب قومی ٹیم نیوزی لینڈ کے خلاف آئندہ تین ون ڈے میچوں کی تیاریوں میں مصروف تھی۔ ایک وائرل ویڈیو میں دیکھا جا سکتا ہے کہ رضوان کریز سے باہر نکل کر شاٹ کھیلتے ہیں اور گیند سیدھا ڈریسنگ روم کی طرف جا کر نسیم شاہ کے فون سے ٹکرا جاتی ہے، جو کرسی پر رکھا ہوا تھا۔

نسیم شاہ نے فوراً فون چیک کیا، تاہم ان کے چہرے کے تاثرات سے واضح تھا کہ فون ناکارہ ہو چکا تھا۔