گھوٹکی: ڈہرکی کے قریب ڈرون گرنے کا واقعہ، دو افراد زخمی

گھوٹکی: ڈہرکی کے علاقے کھینجھو کے قریب ڈرون گرنے کی اطلاع موصول ہوئی ہے، پولیس نے تصدیق کی ہے کہ اس واقعے میں دو مقامی افراد زخمی ہوئے ہیں۔

ڈرون گرنے کے بعد سیکیورٹی فورسز فوری طور پر جائے وقوعہ کی جانب روانہ ہو گئیں جبکہ امدادی ٹیمیں بھی متاثرہ مقام پر پہنچ رہی ہیں۔ پولیس کے مطابق زخمی افراد کو طبی امداد کے لیے قریبی اسپتال منتقل کیا جا رہا ہے۔

حکام نے حادثے کی تحقیقات کا آغاز کر دیا ہے تاکہ واقعے کی وجوہات معلوم کی جا سکیں۔ "یہ تعین کیا جا رہا ہے کہ ڈرون کس کا ہے،” حکام نے بتایا۔