عید پر گیس فراہمی سے متعلق اہم خبر آگئی

کراچی: سوئی سدرن گیس کمپنی نے اعلان کیا ہے کہ عیدالاضحیٰ کے تینوں دن کراچی میں 24 گھنٹے گیس فراہم کی جائے گی، شہریوں کو لوڈشیڈنگ سے مکمل ریلیف ملے گا۔

ترجمان کے مطابق جمعہ کی رات 12 بجے سے ہفتہ صبح 5 بجے تک معمول کی بندش ہوگی، جس کے بعد گیس بحال کر دی جائے گی اور عید کے دوران کسی قسم کی لوڈشیڈنگ نہیں ہوگی۔

گیس کی یہ سہولت عید کے تیسرے دن رات 12 بجے تک جاری رہے گی، جبکہ 10 جون سے معمول کا شیڈول دوبارہ نافذ کر دیا جائے گا۔