آرمی چیف کا برطانیہ میں وارمنسٹر اور لارک ہل گیرزنز کا دورہ

آرمی چیف جنرل سید عاصم منیر نے برطانیہ میں وارمنسٹر اور لارک ہل گیرزنز کا دورہ کیا ہے۔

آئی ایس پی آر کے مطابق آرمی چیف نے برطانیہ کے چیف آف جنرل سٹاف جنرل رولینڈ واکر کی دعوت پر وارمنسٹر اور لارک ہل گیرزنز کا دورہ کیا۔ آرمی چیف کو برطانوی فوج کے جدت پسندی کے منصوبے اور ڈیپ ریکی سٹرائیک بریگیڈ کے حوالے سے بریفنگ دی گئی۔

آرمی چیف جنرل سید عاصم منیر نے مصنوعی ذہانت اور بغیر پائلٹ سسٹمز سمیت جدید ٹیکنالوجیز کا مشاہدہ بھی کیا۔ آرمی چیف کو برطانوی فوج کے آرٹیفیشل انٹیلی جنس نظام کا بھی معائنہ کرایا گیا۔

واضح رہے کہ آرمی چیف جنرل سید عاصم منیر 2 روز قبل برطانیہ پہنچے تھے، جہاں وہ رائل ملٹری اکیڈمی سینڈہرسٹ میں7 ویں علاقائی استحکام کانفرنس میں شرکت کریں گے۔