آغا سلمان پی ایس ایل میں کون سے دو کھلاڑیوں سے متاثر؟ ٹیم میں شامل کرنے کا اشارہ!

پاکستان ٹی20 ٹیم کے کپتان اور اسلام آباد یونائیٹڈ کے کھلاڑی آغا سلمان نے کہا ہے کہ حسن علی اورصاحبزادہ فرحان کی قومی ٹیم میں واپسی ممکن ہے، کیونکہ دونوں نے پی ایس ایل میں اچھی کارکردگی دکھائی ہے۔

ایک انٹرویو میں آغا سلمان نے کہا کہ وہ نہ صرف اسلام آباد کو چوتھی بار ٹرافی دلوانا چاہتے ہیں بلکہ قومی ٹیم کے لیے بھی اچھے کھلاڑی تلاش کر رہے ہیں۔

انہوں نے کہا، "ابھی ٹورنامنٹ کا آغاز ہے، لیکن حسن علی کی بولنگ اور فرحان کی فارم بہت متاثر کن ہے۔”

آغا سلمان نے کہا کہ جدید ٹی20 کرکٹ صرف ہر گیند پر چھکا مارنے کا کھیل نہیں، بلکہ حالات کے مطابق کھیلنا سیکھنا ہوگا۔

انہوں نے یہ بھی کہا، "بیٹرز میچ جتاتے ہیں، لیکن بولرز ٹورنامنٹ جتاتے ہیں۔ اچھی بولنگ ہمیشہ اہم رہے گی۔”

انہوں نے لاہور قلندرز کی تعریف بھی کی اور کہا کہ اگر وہ اسی فارم میں رہے تو مشکل حریف ہوں گے۔ آخر میں آغا سلمان نے اسلام آباد یونائیٹڈ کے اچھے آغاز پر اطمینان کا اظہار کیا اور ٹرافی جیتنے کے عزم کا اظہار کیا۔