ارمغان اپنے پیسوں سے نشہ کرواتا تھا، دوستوں کے حیران کن انکشافات!

کراچی میں نیو ایئر پارٹی کے دوران ہونے والے تنازعے کے حوالے سے دوستوں اور عینی شاہدین کے بیانات سامنے آ رہے ہیں۔ ذرائع کے مطابق ارمغان نامی نوجوان اکثر اپنے پیسوں سے دوستوں کو تفریحی مواقع فراہم کرتا تھا، لیکن مصطفی کے ساتھ اس کا مالی تنازعہ شدت اختیار کر گیا۔

ذرائع کے مطابق نیو ایئر پارٹی کے موقع پر مصطفی کو کئی بار بلایا گیا لیکن اس نے شرکت سے گریز کیا اور ہاکس بے پر اپنی الگ پارٹی رکھی۔ دوستوں کے مطابق مصطفی نے بتایا تھا کہ ارمغان اکثر اسے اپنے گھر بلاتا تھا مگر وہ وہاں جانا نہیں چاہتا تھا۔

معاملہ اس وقت شدت اختیار کر گیا جب معلوم ہوا کہ مصطفی اور ارمغان کے درمیان دو سے ڈھائی لاکھ روپے کی رقم پر تنازعہ تھا۔ عینی شاہدین کے مطابق مصطفی نے ارمغان سے وہی چیز خریدی تھی جو وہ خود بھی استعمال کرتا تھا، لیکن بعد میں اس کی قیمت کا مطالبہ کیا۔

ذرائع نے یہ بھی بتایا کہ ارمغان نے رقم دینے سے انکار کر دیا، جس کے بعد مصطفی نے کسی بہانے سے وہ رقم وصول کر لی۔ تاہم، یہ واضح نہیں ہو سکا کہ مصطفی آخر ارمغان کے گھر کیوں گیا تھا۔

دوسری جانب عینی شاہدین کے مطابق نیو ایئر پارٹی میں ‘جنگل بوائے’ نامی ویڈ کا استعمال کیا گیا، لیکن یہ معلوم نہیں ہو سکا کہ مصطفی اسے کہاں سے منگواتا تھا۔ اطلاعات کے مطابق ویڈ کی پیکنگ پر اسکریچ کرنے سے پن لوکیشن معلوم ہو جاتی تھی کہ اسے کس مقام پر کھولا گیا۔

مزید تفصیلات کے مطابق مصطفی جو سامان ارمغان کو بیچتا تھا، وہ خود بھی وہیں بیٹھ کر استعمال کرتا تھا۔ ارمغان کے پاس 30 سے 35 گارڈز موجود ہوتے تھے، جبکہ ہر وقت 8 سے 10 باؤنسرز دن اور رات کے لیے متعین رہتے تھے۔ عینی شاہدین نے یہ بھی انکشاف کیا کہ ارمغان کے گھر میں باؤنسرز ہر وقت سر پر کھڑے رہتے تھے اور کوئی ویڈیو بنانے کی کوشش کرتا تو وہ فوراً روک دیتے۔

ارمغان کے دفاتر شاہراہِ فیصل اور ڈیفینس فیز 8 میں بھی موجود تھے، تاہم اطلاعات کے مطابق اس نے چار سے پانچ ماہ پہلے اپنے دفاتر، شیر کے بچے، گارڈز اور باؤنسرز کو ختم کر دیا تھا۔

عینی شاہدین کے مطابق مصطفی سے آخری ملاقات عثمان سواتی کی میت میں ہوئی تھی، جبکہ ارمغان سے آخری ملاقات ڈیڑھ سے دو ماہ قبل ہوئی تھی۔