اسلام آباد کی عدالت نے عمران خان کو بچوں سے بات اور طبی معائنے کی اجازت دے دی

اسلام آباد کی خصوصی عدالت نے منگل کے روز پاکستان تحریک انصاف (پی ٹی آئی) کے بانی عمران خان کی جانب سے دائر دو درخواستیں منظور کر لیں، جن میں انہوں نے اپنے بچوں سے بات چیت اور طبی معائنے کی اجازت طلب کی تھی۔

فیڈرل انویسٹی گیشن ایجنسی (ایف آئی اے) کی خصوصی عدالت کے جج شاہ رخ ارجمند نے محفوظ کیا گیا فیصلہ سناتے ہوئے دونوں درخواستوں کو منظور کر لیا۔

عمران خان کے وکلا کی جانب سے عدالت سے درخواست کی گئی تھی کہ انہیں ان کے بچوں سے فون پر بات کرنے کی اجازت دی جائے اور ساتھ ہی طبی معائنہ کروانے کی سہولت بھی فراہم کی جائے۔