افغانستان نے انگلینڈ کو جیت کیلئے 326 رنز کا ہدف دیدیا

آئی سی سی چیمپئنز ٹرافی کے آٹھویں میچ میں افغانستان نے انگلینڈ کو جیت کیلئے 326 رنز کا ہدف دے دیا۔

لاہور قذافی اسٹیڈیم میں کھیلے جانے والے اس میچ میں افغانستان نے ٹاس جیت کر پہلے بیٹنگ کا فیصلہ کیا۔ کھیل کے آغاز میں 37 رنز پر تین اہم وکٹیں گنوانے کے بعد کپتان حشمت اللہ شاہدی نے ابراہیم زدران کے ساتھ سو سے زیادہ رنز کی شراکت داری قائم کرکے ٹیم کو سنبھالا دیا۔ کپتان کے آوٹ ہونے کے بعد عظمت اللہ عمرزئی نے زدران کا ساتھ دیا اور ٹیم کا سکور 212 تک پہنچایا۔ اُس کے بعد محمد نبی نے زردان کے ساتھ اہم شراکت داری قائم کرکے ٹیم کا سکور تین سو 23 تک پہنچایا۔

اس دوران افغانستان کے ابراہیم زدران نے چیمپئنز ٹرافی میں سب سے زیادہ رنز بنانے کا ریکارڈ بھی اپنے نام کر لیا۔ انہوں نے 146 گیندوں پر 177 رنز بنائے۔ اُن کی اننگز میں 12 چوکے اور 6 چھکے شامل ہیں۔ زدران نے انگلینڈ کے ہی بین ڈکیٹ کا 165 رنز کا ریکارڈ توڑا ہے جو انہوں نے موجودہ ٹورنامنٹ میں آسٹریلیا کے خلاف بنایا تھا۔