اقوام متحدہ کی سلامتی کونسل میں فلسطینی بحران پر آنسوؤں سے بھرپور تقریر

اقوام متحدہ کی سلامتی کونسل کے اجلاس میں فلسطین کے مستقل مندوب ریاض منصور کی جذباتی تقریر نے سب کو متاثر کر دیا۔

انہوں نے غزہ پر جاری اسرائیلی حملوں اور انسانی المیے پر گفتگو کرتے ہوئے آنسوؤں کے ساتھ کہا کہ غزہ میں بے شمار بچے بھوک اور مصائب میں مبتلا ہیں، اور مائیں اپنے بے جان بچوں کو گود میں اٹھا کر معافی مانگ رہی ہیں۔

ریاض منصور نے سوال کیا، "کیا کوئی بھی انسان اس دردناک منظر کو برداشت کر سکتا ہے؟”

اپنے ذاتی دکھ کا ذکر کرتے ہوئے انہوں نے کہا، "میرے بھی نواسے اور پوتے ہیں، میں اچھی طرح جانتا ہوں کہ خاندان کے لیے ان کی کتنی اہمیت ہوتی ہے۔”

انہوں نے مزید کہا کہ آگ اور بھوک فلسطینی بچوں کو تباہ کر رہی ہے، اور دنیا خاموش تماشائی بنی ہوئی ہے۔

ان کی اس جذباتی تقریر کے دوران اقوام متحدہ کے اجلاس میں گہری خاموشی چھا گئی۔

ریاض منصور کی یہ ویڈیو سوشل میڈیا پر تیزی سے گردش کر رہی ہے، جس نے عالمی برادری کو جھنجھوڑ کر رکھ دیا ہے۔

View this post on Instagram

A post shared by 365 News (@365.newspk)