امریکا نے روسی توانائی کے شعبے کے خلاف مزید پابندیاں عائد کرنے کا فیصلہ کرلیا

واشنگٹن: امریکا نے روسی توانائی کے شعبے کے خلاف مزید پابندیاں عائد کرنے کا فیصلہ کیا ہے۔ وائٹ ہاؤس کی پریس سیکرٹری کرائن جین پیئری نے ایک نیوز کانفرنس میں بتایا کہ نئی امریکی پابندیوں سے روس کو ماہانہ اربوں ڈالر کا نقصان ہوگا۔

پریس سیکرٹری نے کہا کہ روس کو یوکرین کے خلاف جنگ میں حاصل ہونے والا بڑا ریونیو توانائی کے شعبے سے ملتا ہے، اور ان پابندیوں سے اس شعبے کی آمدنی میں مزید کمی آئے گی۔

انہوں نے مزید کہا کہ امریکی پابندیاں روسی تیل کی عالمی سپلائی کو شدید متاثر کریں گی، جس سے روس کی توانائی کی برآمدات اور اس کی معیشت پر منفی اثرات مرتب ہوں گے۔

یہ فیصلہ اس وقت کیا گیا ہے جب روس کی جنگی سرگرمیاں یوکرین میں جاری ہیں اور عالمی سطح پر اس کے خلاف اقتصادی دباؤ بڑھتا جا رہا ہے۔