امریکہ کے حملے کے بعد مشرق وسطیٰ کی فضا خالی

ایران کی نیوکلیئر تنصیبات پر امریکی حملوں کے بعد تجارتی فضائی کمپنیوں نے مشرقِ وسطیٰ کے بڑے حصوں سے پروازیں گزرنے سے روک دی ہیں۔

فلائٹ ریڈار 24 کے مطابق بیشتر بین الاقوامی ایئرلائنز اب ایران، عراق، شام اور اسرائیل کے فضائی علاقوں سے گریز کرتے ہوئے متبادل راستے اپنا رہی ہیں، جن میں بحیرہ کیسپیئن، مصر اور سعودی عرب کے اوپر سے گزرنے والے راستے شامل ہیں۔

یہ فیصلہ خطے میں بڑھتی ہوئی کشیدگی اور حالیہ میزائل حملوں کے بعد کیا گیا ہے، جس کے باعث مزید تنازعے کے خدشات پیدا ہو گئے ہیں۔