انگلینڈ نے آسٹریلیا کو جیت کیلئے 352 رنز کا ہدف دیدیا

لاہور: آئی سی سی چیمپئنز ٹرافی کے اہم میچ میں انگلینڈ نے آسٹریلیا کو جیت کے لیے 352 رنز کا ہدف دے دیا۔

تفصیلات کے مطابق انگلینڈ نے پہلے کھیلتے ہوئے مقررہ 50 اوورز میں 8 وکٹوں کے نقصان پر 351 رنز بنائے۔ انگلینڈ کی جانب سے بین ڈکٹ 165 رنز بنا کر نمایاں رہے۔ جو روٹ 68، کپتان جوس بٹلر 23 اور جیمی اسمتھ نے 15 سکور بنائے۔

آسٹریلیا کی جانب سے بین دروشوئس نے 3 کھلاڑیوں کو پویلین کی راہ دکھائی جبکہ ایڈم زمپا اور مارنس لیبوشگن نے دو دو وکٹیں حاصل کیں۔

واضح رہے کہ انگلینڈ کا 352 رنز کا ہدف چیمپئنز ٹرافی کا سب سے بڑا ہدف بھی ہے۔ اس سے پہلے 2004 میں نیوزی لینڈ نے امریکا کیخلاف 347 رنز بنا کر ریکارڈ بنایا تھا۔