ایف بی آر کا اسمگلنگ کی روک تھام کیلئے نیا اقدام

فیڈرل بورڈ آف ریونیو (ایف بی آر) نے اسمگلنگ کے خلاف کارروائی کو مؤثر بنانے کے لیے "کسٹمز کمانڈ فنڈ” کے قیام کا اعلان کر دیا ہے۔ اس اقدام کا مقصد عوام اور کسٹمز افسران دونوں کو متحرک کرنا ہے۔

ایف بی آر کے مطابق جو بھی شہری اسمگلنگ سے متعلق قابلِ اعتماد معلومات فراہم کرے گا، اسے 500,000 روپے تک انعام دیا جائے گا۔

اسمگلنگ کے خلاف کامیاب کارروائیوں میں شریک کسٹمز اہلکاروں کو بھی خصوصی مراعات دی جائیں گی۔

نیا فنڈ اسمگلنگ روکنے کے لیے درکار لاجسٹک سپورٹ، آلات اور دیگر اخراجات کو پورا کرے گا۔ ایف بی آر کا کہنا ہے کہ یہ قدم پاکستان میں غیر قانونی تجارت کو روکنے، ریونیو بڑھانے اور قانونی کاروبار کا تحفظ یقینی بنانے میں مدد دے گا۔