بابر اعظم نے ایک اور اعزاز اپنے نام کر لیا

پاکستان کے اسٹار بیٹر بابر اعظم نے ایک اور سنگ میل عبور کر لیا۔

نیوزی لینڈ کے خلاف سہ ملکی سیریز کے فائنل میں انہوں نے جنوبی افریقہ کے سابق کرکٹر ہاشم آملہ کا تیز ترین 6 ہزار سکور کا ریکارڈ برابر کر دیا۔ بابر اعظم نے یہ ریکارڈ 123 اننگز میں بنایا۔ ان کے کیریئر میں 34 نصف سنچریاں اور 19 سنچریاں شامل ہیں۔

واضح رہے کہ ہاشم آملہ نے بھی 6 ہزار سکور 123 اننگز میں کیے تھے۔ تیز ترین 5 ہزار رنز بنانے کا ریکارڈ بھی بابر اعظم کے پاس ہے۔

بابر اور ہاشم آملہ کے بعد بھارت کے ویرات کوہلی 136 جبکہ نیوزی لینڈ کے کین ولیمسن 139 اننگز میں یہ کارنامہ انجام دے چکے ہیں۔