بھارتی یونٹس کے ہیڈکوارٹر تباہ۔۔ سورما چوکیاں چھوڑ کر بھاگ گئے!

پاکستان آرمی نے بھرپور طاقت کے ساتھ جواب دیا، متعدد بھارتی چیک پوسٹیں تباہ کر دیں اور دشمن کو پیچھے دھکیل دیا۔

سیکیورٹی ذرائع کے مطابق، پاکستان کی جوابی کارروائی کے بعد بھارتی 9ویں ڈویژن کی بزدل 12ویں انفنٹری بریگیڈ کے فوجی اپنی پوزیشنیں چھوڑ کر فرار ہو گئے۔ لیپہ ویلی کے قریب بھارت کی 6ویں مہار یونٹ کے بٹالین ہیڈکوارٹر سمیت کئی اہم تنصیبات تباہ کر دی گئیں۔

کوٹ کٹھہری سیکٹر میں پاکستان آرمی نے بھارتی سرلیہ ون چیک پوسٹ کو مارٹر گولوں سے نشانہ بنایا، جس کے بعد ملبے سے دھواں اٹھتا دیکھا گیا۔ اسی دوران، نیزہ پیر سیکٹر میں شاہ پور تھری پوسٹ اور جورہ سیکٹر میں ایک اور دشمن کی پوسٹ بھی تباہ کر دی گئی۔

پاکستانی فوجیوں نے "نعرہ تکبیر” کے نعروں کے ساتھ دشمن پر نشانہ لگایا، اور شاندار درستگی کے ساتھ گولہ باری کی۔ پاکستان کی زبردست آرٹلری فائرنگ نے بھارتی “خاکی ٹکری” پوسٹ کو بھی زمین بوس کر دیا۔