بھارت علاج کیلئے جانے والے نوجوان آریان شاہ کی میت کوئٹہ پہنچا دی گئی

بھارت علاج کے غرض سے جانے والے کوئٹہ کے نوجوان آریان شاہ کی میت کو وطن واپس لا کر مقامی قبرستان میں سپرد خاک کر دیا گیا۔

آریان شاہ، جو دل اور پھیپھڑوں کے مرض میں مبتلا تھا، بہتر علاج کی امید پر بھارتی شہر چنئی گیا تھا۔ تاہم، افسوسناک طور پر وہ 25 اپریل کو دورانِ علاج انتقال کر گیا۔

ان کے والد شاہ جہان کے مطابق آریان کی میت کراچی سے بذریعہ پرواز کوئٹہ منتقل کی گئی، جہاں ان کی نمازِ جنازہ میں عوام کی بڑی تعداد نے شرکت کی۔ بعد ازاں، ان کی تدفین مقامی قبرستان میں کی گئی۔

یاد رہے کہ آریان شاہ کی میت چنئی سے کولمبو کے راستے کراچی لائی گئی تھی، جہاں سے اسے کوئٹہ روانہ کیا گیا۔