تربت میں سیکیورٹی فورسز کی کارروائی، 3 دہشت گرد ہلاک

راولپنڈی: آئی ایس پی آر کے مطابق بلوچستان کے ضلع کیچ (تربت) میں سیکیورٹی فورسز نے انٹیلیجنس بیسڈ آپریشن کے دوران فائرنگ کے تبادلے میں 3 دہشت گردوں کو ہلاک کر دیا۔

ترجمان پاک فوج کے مطابق ہلاک دہشت گرد شہریوں اور فورسز پر حملوں میں ملوث تھے، ان کے قبضے سے اسلحہ اور دھماکا خیز مواد بھی برآمد ہوا ہے۔ علاقے میں کلیئرنس آپریشن جاری ہے۔

آئی ایس پی آر نے بتایا کہ فورسز بلوچستان میں امن و امان خراب کرنے کی کوششیں ناکام بنانے کے لیے پرعزم ہیں۔

واضح رہے کہ گزشتہ روز پاک افغان بارڈر پر سیکیورٹی فورسز کے فالو اپ آپریشنز میں 17 دہشت گرد مارے گئے تھے، جبکہ گزشتہ تین دنوں میں مجموعی طور پر 71 خوارج ہلاک کیے جا چکے ہیں۔