حج اور عمرے پر جانے والوں کیلئے بڑی خبر

سعودی حکومت کی جانب سے نئی ہدایات کی روشنی میں گزشتہ کئی روز سے مسافروں کو ائیرپورٹس پر دشواری کا سامنا کرنا پڑ رہا ہے۔

ترجمان پی آئی اے کے مطابق سعودی عرب جانے والے مسافروں کیلئے پولیو کی ویکینئشن لازمی قرار دے دی گئی۔

پولیو ویکسینیشن، سعودی عرب کا سفر کرنے سے کم از کم چار ہفتے قبل لگوانا لازمی قرار ہے مگر 6 ماہ سے زیادہ پرانی بھی نہیں ہونی چاہیے۔

انہوں نے کہا کہ پولیو ویکسینیشن ہر مسافر کے لئے لازمی ہے چاہے وہ عمرہ ویزے پر ہوں یا سیاحتی ویزے پر یا اقامہ پر۔ وہ مسافر حضرات جو سعودی عرب کے کسی بھی ائیر پورٹ پر 12 گھنٹے سے کم کا ٹرانزٹ کریں گے ان کے لئے ویکسین لگوانا ضروری نہیں ہے۔ ویکسینیشن سرٹیفیکٹ پر گورنمنٹ یا پرائیویٹ ہسپتال کی مہر لگوانا لازمی ہے۔

ترجمان پی آئی اے نے کے مطابق ایسے تمام مسافر حضرات جو سعودیہ کا سفر کرنے کا ارادہ رکھتے ہوں سے التماس ہے کہ ائیرپورٹ آنے سے قبل ویکسینیشن سرٹیفیکیٹ ہر صورت میں ساتھ لائیں۔ بغیر سرٹیفیکیٹ کے سعودی عرب کی جانب سفر کی اجازت نہیں ہوگی لہذا دشواری سے بچیں۔ یہ ہدایات تمام ائیرپورٹس اور تمام ائیرلائنز کے ذریعے سفر پر لاگو ہوں۔