"دنیا کی مہنگی ترین شادی: دلہن کے میک اپ، لباس اور زیورات پر 3 ارب سے زائد خرچ”

دنیا کی مہنگی ترین شادیوں میں سے ایک میں 1600 کروڑ روپے صرف دلہن کے میک اپ، لباس اور زیورات پر خرچ کیے گئے۔

یہ شادی 9 سال قبل بھارتی سیاستدان جناردھن ریڈی کی بیٹی کی ہوئی تھی، جس پر 500 کروڑ روپے (پاکستانی 1600 کروڑ روپے سے زائد) خرچ کیے گئے، جو آج کی کرنسی ویلیو کے مطابق امبانی فیملی کی شادی سے بھی زیادہ ہے۔

اس شادی میں دلہن نے 55 کروڑ روپے مالیت کی کانچی ورم ساڑھی پہنی، اور اس کی زیورات کی مجموعی قیمت 3 ارب روپے سے زائد تھی، جس میں 80 کروڑ روپے کا ہیروں سے جڑا چوکر بھی شامل تھا۔

شادی کی تقریب میں 50,000 مہمانوں کی شرکت ہوئی، جن کیلئے 1500 کمرے بک کروائے گئے اور 40 بیل گاڑیاں، 2 ہزار لگژری کاریں اور 15 ہیلی کاپٹرز مہمانوں کی آمدورفت کیلئے مختص کیے گئے تھے۔

شادی کے پانچ دن جاری رہنے والی تقریبات کا پنڈال شاہی مندروں سے متاثر تھا، اور مہمانوں کیلئے 16 مختلف اقسام کی مٹھائیاں پیش کی گئیں، جن کی قیمت ہر پلیٹ پر 3,000 روپے تھی۔