پنجاب میں 15 لاکھ مزدوروں کیلئے راشن کارڈ اسکیم کی منظوری

لاہور: وزیراعلیٰ پنجاب مریم نواز کی زیر صدارت کابینہ اجلاس میں "راشن کارڈ اسکیم” کی منظوری دے دی گئی، جس کے تحت 15 لاکھ مزدوروں اور محنت کشوں کو ماہانہ 10 ہزار روپے مالی امداد دی جائے گی۔

اس سے قبل، وزیراعلیٰ مریم نواز نے پاکستان کی پہلی "اسمارٹ ماحولیاتی تحفظ فورس” کا باضابطہ افتتاح کیا۔ یہ اعلان 21 اپریل 2025 کو سوشل میڈیا پلیٹ فارم ‘ایکس’ پر کیا گیا، جسے انہوں نے "پنجاب کے ماحولیاتی سفر میں سنگِ میل” قرار دیا۔

یہ فورس جدید ٹیکنالوجی سے لیس ہے، جو صنعت، پانی، پلاسٹک، زراعت، ٹرانسپورٹ اور ایندھن جیسے شعبوں کی نگرانی کرے گی تاکہ صاف، سرسبز پنجاب کا خواب ممکن بنایا جا سکے۔