سپریم کورٹ کا آئندہ ہفتے کے لیے بینچز کا اعلان، پانچ بینچز تشکیل

اسلام آباد – سپریم کورٹ آف پاکستان نے آئندہ ہفتے کی عدالتی کارروائیوں کے لیے ججز کا روسٹر جاری کرتے ہوئے پانچ بینچز تشکیل دے دیے ہیں۔ ان میں سے چار بینچ اسلام آباد میں مقدمات کی سماعت کریں گے، جبکہ ایک بینچ لاہور رجسٹری میں بیٹھے گا۔

اسلام آباد میں:

• بینچ نمبر ایک میں چیف جسٹس یحییٰ خان آفریدی اور جسٹس میاں گل حسن اورنگزیب شامل ہوں گے۔

• بینچ نمبر دو میں جسٹس منیب اختر اور جسٹس عقیل احمد عباسی مقدمات سنیں گے۔

• بینچ نمبر تین میں جسٹس محمد علی مظہر، جسٹس حسن اظہر رضوی اور جسٹس مسرت ہلالی شامل ہیں۔

• بینچ نمبر چار میں جسٹس اطہر من اللہ، جسٹس عرفان سعادت اور جسٹس ملک شہزاد شامل ہوں گے۔

دوسری جانب، لاہور رجسٹری میں قائم بینچ میں جسٹس امین الدین خان، جسٹس شاہد بلال اور جسٹس عامر فاروق شامل ہوں گے۔