سکیورٹی فورسز کا ضلع ٹانک میں آپریشن، 3 خارجی ہلاک

سکیورٹی فورسز نے ضلع ٹانک میں آپریشن کرکے 3 خارجی ہلاک کر دیئے۔

آئی ایس پی آر کے مطابق ہلاک دہشت گردوں سے اسلحہ اور گولہ بارود برآمد ہوا۔ ہلاک دہشت گرد فورسز پر حملوں اور شہریوں کے قتل میں مطلوب تھے۔

آئی ایس پی آر نے کہا کہ سکیورٹی فورسز ملک سے دہشت گردی کے خاتمے کیلئے پرعزم ہیں۔

صدر مملکت آصف علی زرداری نے ضلع ٹانک میں خوارج کے خلاف آپریشن پر سیکورٹی فورسز کو خراج تحسین پیش کیا۔ انہوں نے کہا کہ دہشت گردی کے ناسور کے مکمل خاتمے تک دہشتگردوں کے خلاف کاروائیاں جاری رہیں گی۔ پوری قوم دہشت گردی کے خلاف جنگ میں اپنی سیکیورٹی فورسز کے ساتھ کھڑی ہے۔