شائقین کرکٹ کیلئے بڑی خوشخبری! میچز کے ٹکٹس کی رقم واپس

لاہور: پاکستان کرکٹ بورڈ (پی سی بی) نے بارش سے متاثرہ میچوں کے ٹکٹوں کی رقم کی واپسی کا اعلان کر دیا۔

آئی سی سی چیمپئنز ٹرافی کے راولپنڈی کرکٹ اسٹیڈیم میں دو میچز بغیر گیند کرائے ختم ہوگئے تھے۔

آئی سی سی چیمپئنز ٹرافی 2025 کیلئے پی سی بی ٹکٹ کی واپسی کی پالیسی کے مطابق ٹکٹ ہولڈر مکمل رقم کی واپسی کے اہل ہیں اگر میچ ٹاس سے پہلے ہی ختم کردیا گیا ہو۔ تمام انکلوژر کے ٹکٹ واپس کر دیے جائیں گے۔

ہاسپٹلیٹی باکسز کے ٹکٹ (باکس اور پی سی بی گیلری) کے ٹکٹ ہولڈرز رقم کی واپسی کے اہل نہیں ہوں گے۔

اہل ٹکٹ ہولڈرز پیر 10 مارچ 2025 سے جمعہ 14 مارچ 2025 کے درمیان منتخب ٹی سی ایس آؤٹ لیٹس پر اپنی رقم کی واپسی کا دعویٰ کر سکتے ہیں۔ شائقین خریداری کے ثبوت کے طور پر اصل اور بغیر نقصان زدہ  ٹکٹ پیش کریں۔

خریدار کو رقم کی واپسی کا دعوی کرنے کے لیے ذاتی طور پر ٹی سی ایس آؤٹ لیٹ جانا ہوگا۔ اس کی طرف سے کوئی اور رقم کی واپسی کا دعوی نہیں کرسکتا۔