صائم ایوب کیساتھ کیا تعلق؟ کشف علی نے خاموشی توڑ دی!

ٹک ٹاکر کشف علی نے قومی کرکٹ ٹیم کے اوپنر صائم ایوب کے ساتھ ڈیٹنگ کی افواہوں کو مسترد کر دیا۔

ٹک ٹاکر کا ایک ویڈیو سوشل میڈیا پر وائرل ہوا ہے جس میں انہوں نے کرکٹر صائم ایوب کے ساتھ ڈیٹنگ کی افواہوں کو مسترد کیا ہے۔ کشف نے کہا کہ کتنی عجیب بات ہے کہ ہمارے ملک میں اتنی سوشل مسائل ہیں جن پر بات کی جا سکتی ہے لیکن نہیں، ہمارا میڈیا آپ کو بے بنیاد باتوں سے آگاہ کرے گا اور آپ لوگ ان باتوں پر یقین کر لیتے ہیں۔ انہوں نے مزید کہا کہ بس ایک ویڈیو دیکھ کر آپ نے ایک مسئلہ بنا دیا، اور وہ بھی صرف ایک نارمل ویڈیو تھی۔

اس سے پہلے، کشف علی اور کرکٹر صائم ایوب کی ایک ویڈیو سوشل میڈیا پر وائرل ہوئی تھی جس میں دونوں ایک ریسٹورنٹ میں اکٹھے وقت گزار رہے تھے۔ جیسے ہی یہ ویڈیو وائرل ہوئی، مداحوں میں ان کے قریبی تعلقات کے بارے میں تجسس بڑھ گیا تھا۔

تاہم، کرکٹر صائم ایوب اس وقت برطانیہ میں انجری کے علاج کیلئے موجود ہیں۔ 22 سالہ بیٹسمین کو کشف علی کے ساتھ ویڈیوز شیئر کرنے کے بعد غیر ضروری توجہ ملی۔ نیٹیزنز کے مطابق صائم کو اپنے کیریئر اور صحت یابی پر توجہ مرکوز کرنی چاہیے تاکہ وہ جلد کرکٹ میں واپس آ سکیں۔

وائرل ویڈیو نے صائم کے مداحوں کو مایوس کر دیا۔ کچھ سوشل میڈیا صارفین نے صائم کو سابق کرکٹر آصف علی کے ساتھ موازنہ کیا، جنہیں ان کی غیر کرکٹ سرگرمیوں پر تنقید کا سامنا کرنا پڑا تھا۔ عوام نے کشف علی کے ساتھ صائم کو دیکھ کر مذاق بنایا اور کہا کہ وہ برطانیہ میں اپنا "چیمپئنز ٹرافی” ہوسٹ کر رہے ہیں۔

واضح رہے کہ لندن میں صائم ایوب کی پاکستانی اداکارہ ہانیہ عامر کے ساتھ بھی ملاقات ہوئی تھی۔