صدر آصف علی زرداری نے پاک فوج کے افسروں اور جوانوں میں اعزازات تقسیم کیے

ملکی دفاع کیلئے نمایاں خدمات پر ایوان صدر میں فوجی اعزازات دینے کی تقریب منعقد ہوئی۔ صدر مملکت آصف علی زرداری نے پاک فوج کے افسروں اور جوانوں میں اعزازات تقسیم کیے۔

صدر مملکت نے کیپٹن سید عامر رضا کو بے مثال بہادری اور فرض شناسی پر ستارہ بسالت سے نوازا۔ ایئرمارشل محمد سرفراز، ایئرمارشل کاظم حماد، ایئرمارشل شکیل غضنفر، میجر جنرل سعید الرحمان سرور، میجر جنرل ندیم فضل، میجر جنرل سہیل صابر اور میجر جنرل ذیشان احمد کو ہلال امتیاز ملٹری عطا کیا گیا۔

میجر جنرل طاہر مسعود احمد، میجر جنرل فواد احمد صدیقی، ریئر ایڈمرل محمد حسین سیال، میجر جنرل سید مکرم حسین، میجر جنرل افتخار احمد ستی کو ہلال امتیاز ملٹری سے نوازا گیا۔ اعزاز پانے والوں میں میجر جنرل شاہد پرویز، میجر جنرل محمد عاصم خان، میجر جنرل نور ولی خان، میجر جنرل محمد نعیم اختر، میجر جنرل راجہ محمد ندیم اشرف اور میجر جنرل نسیم انور شامل ہیں۔

میجر جنرل نسیم انور، میجر جنرل عمر احمد شاہ، میجر جنرل عدیل حیدر منہاس، میجر جنرل سید علی رضا، میجر جنرل عمر مقبول، ریئرایڈمرل شفاعت علی خان اور ریئرایڈمرل عامر محمود کو ہلال امتیاز ملٹری عطا کیا گیا۔ میجر جنرل ظہیر اختر، میجر جنرل منیرالدین، میجر جنرل احسن وقاص کیانی، میجر جنرل اظہر یاسین، ریئرایڈمرل خیبر زمان، ریئر ایڈمرل شفقت حسین اختر، میجر جنرل محمود سلطان اور دیگر افسروں کو ہلال امتیاز ملٹری عطا کیا گیا۔