صدر زرداری اور وزیراعظم کی ملاقات، ملکی صورت حال پر تبادلہ خیال

اسلام آباد: صدر مملکت آصف علی زرداری اور وزیراعظم شہباز شریف کے درمیان ایوان صدر میں اہم ملاقات ہوئی، جس میں ملکی سیاسی، معاشی اور سیکیورٹی صورتحال پر تفصیلی تبادلہ خیال کیا گیا۔

ملاقات میں وفاقی وزراء خواجہ آصف، احسن اقبال، اعظم نذیر تارڑ، محسن نقوی اور مشیر رانا ثناء اللہ بھی شریک تھے۔

وزیراعظم نے صدر مملکت کو معاشی اصلاحات اور ترقیاتی اقدامات سے آگاہ کیا، جبکہ دونوں رہنماؤں نے ملک میں امن و امان، دہشت گردی کے خلاف حکمت عملی اور قومی استحکام کے لیے مل کر کام کرنے کے عزم کا اظہار کیا۔